Ang Pilosopiya at mga Batayang Teorya ng
Pagtuturo Pagkatuto (MATATAG Curriculum,2023)
Pilosopiya ng GMRC at VE
Ang GMRC at VE ay
nakaangkla sa Personalismo at Etika ng Kabutihang Asal (Virtue Ethics). Ayon sa
pilosopiya ng Personalismo, nakaugat lagi sa pagpapakatao ang ating mga
ugnayan. Nililikha natin ang ating pagpapakatao sa ating pakikipagkapuwa. Sa
murang edad na 6 hanggang 12 taon, maaaring hindi pa lubos na maunawaan ng
isang bata ang kaniyang kalikasan bilang
tao ayon sa paliwanag ng pilosopiyang Personalismo. Ngunit maaari siyang
sanayin sa mga virtue o mabuting gawi (habit) at umiwas sa mga bisyo o masamang
gawi upang lumaki siyang isang mabuting tao. Ito ang tuon ng Virtue Ethics na pinag-aaralan sa GMRC. Ayon
sa pilosopiyang ito, ang pagtataglay at pagsasabuhay ng mga mabuting gawi ang nagpapabuti sa tao. Mauunawaan ng bata na
dapat siyang magpakabuti hindi lamang sapagkat ito ang inaasahan sa kaniya ng lipunan kundi dahil tao siya - may
dignidad at likas ang pagiging mabuti. May dignidad ang tao dahil siya ay bukod
tangi at may ugnayan sa kaniyang kapuwa, sa Diyos, at kalikasan. Habang siya ay
tumatanda o nagkakaedad, nagkakaroon siya ng kakayahang mag-isip, magsuri at
magpasya nang mapanagutan.
Batayang Teorya
Ginagabayan ang asignatura
ng mga teorya na nahahati sa limang pangkat: Antropolohikal (Anthropological),
Sikolohikal (Psychological), Sosyolohikal (Sociological), Pilosopikal
(Philosophical), at Teknolohikal (Technological).
Ang Sociocultural Theory
of Cognitive Development ni Lev Vygotsky ay naniniwalang malaki ang papel ng pakikihalubilo
(interaction) sa kapuwa sa kognitibong pag-unlad (cognitive development).
Nagreresulta sa pagkatuto ang pakikihalubilo ng mag-aaral sa ibang tao sa
pamayanan: sa mga kasing-edad niya (peers), nasa sapat na gulang (adults), at mga guro. Kaya mahalaga ang mga gawaing
naglalapat ng mga konsepto sa tunay na buhay (real life application) tulad ng
paglutas sa suliranin (problem-solving). Nagreresulta sa kognitibong pag-unlad
ang pakikihalubilo ng magaaral sa ibang tao sa pamayanan. Kapag naaapektuhan ng
kultura ang mga kilos ng tao, naiimpluwensiyahan din ang kognitibong pag-unlad (cognitive development)
nito dahil naiiangkop na niya ang kaniyang sarili sa mga moral at etikal na
pagpapahalaga ng pamayanan. Mahalagang sensitibo ang guro sa zone of proximal
development ng mag- aaral. Dapat niyang tulungan ang mag-aaral na umusad mula
sa mga gawaing kailangan ang gabay niya hanggang sa mga gawaing magagawa
mag-isa ng mag-aaral tungo sa paglalapat ng mga pagkatuto sa tunay na buhay.
Ang Independent and
Interdependent Self-Construal Theory nina Markus at Kitayama na nagsasabi na may iba’t ibang pananaw sa
kanilang sarili (self-construal), sa kapuwa (others), at sa ugnayan o
interdependence ng dalawa. Ang mga nasabing pananaw ay nakaaapekto sa uri ng
karanasan kasama na ang pag-iisip (cognition), pandamdamin (emotion) at
motibasyon (motivation) ng tao. Ang pananaw sa sarili bilang independent at
interdependent ay may epekto sa kung paano magpapasiya, kikilos at mag-iisip
ang tao kung kaya’t mahalagang silipin ang teoryang ito sa mga paksa sa tungkol
sa sarili ng GMRC at Values Education.
Sikolohikal
Ang Experiential Learning
Theory ni
David Kolb ay isa sa mga teoryang gagabay sa pagbuo ng kurikulum ng GMRC at VE.
Ayon kay Kolb, dumadaloy ang pagkatuto sa pamamagitan ng paglalapat ng mga
malawak na konsepto (abstract concept) sa iba’t ibang situwasiyon. Natututo ang
mga mag-aaral gamit ang mga bagong karanasan.
Kaugnay dito, ang Constructivism Theory ay makatutulong din upang
mailahad ang mga aralin sa asignaturang ito. Ayon sa teoryang ito, ang mga
karanasan ang pinagkukunan ng mga pagkatuto. Naniniwala ang mga constructivist na
ang pag-unawa sa mga konsepto o prinsipyo ay nabubuo at nagiging mas malalim sa
paglipas ng panahon.
Nagkakaroon ng
pagkatuto ang tao at gumagawa ng kabuluhan (meaning) batay sa kaniyang mga
karanasan. Isinasaalang-alang din ang iba't ibang gawain kung saan ang
mag-aaral ay magkakaroon ng pagninilay, pag-unawa at pagpapahalaga. Ang mga
mag-aaral ay patuloy na nagninilay sa kanilang mga karanasan habang pinauunlad
ang mga kinakailangang kasanayan at nililinang ang mga pagpapahalaga o virtue
(virtue or values). Kaya mas epektibo ang mga mapanghamong gawaing (challenging
tasks) may kolaborasyon dahil nahihimok na mag-isip at nahuhubog ang mga
pagpapahalaga o virtue sa mga mag-aaral.
Ang Moral Development Theory ni Lawrence Kohlberg ay may direktang ugnayan sa GMRC at Values
Education. Kinikilala ang pamilya bilang unang mapagkukunan ng mga
pagpapahalaga (values) at pag-unlad ng moralidad (moral development) para sa
isang indibidwal. Mahalaga na maisaalang-alang ang mabuting paghubog mula sa
pamilya o sa
unang kinamulatan ukol sa mga wastong pag-uugali at pagpapahalaga.
Dagdag din ang Psychosocial
Development Theory ni Eric Erickson na may walong yugto (stages) ang pagunlad ng
personalidad (personality development) ng tao mula pagkabata hanggang pagtanda.
Nararanasan ng bawat tao ang krisis (crisis) sa bawat yugto na maaaring
magkaroon ng positibo o negatibong epekto sa kaniyang personalidad. Kapag
napangingibabawan (overcome) ang krisis sa bawat yugto, uunlad ang mga
kalakasan (strengths) at kakayahan (skills) na matugunan ang mga hamon ng
buhay.
Ang Konsepto ng Kapuwa ay isang pangunahing
konsepto sa Sikolohiyang Pilipino. Ayon kay Enriquez (1978), hindi pakikisama
ang pinapahalagahan ng mga Pilipino kundi pakikipagkapuwa. Ang kapuwa ay ang
ugnayan ng sarili at iba; ang salitang kapuwa ay nagpapahiwatig na kasangkot ang
pagkakilanlan ng sarili sa pagkakilanlan ng kapuwa - "shared
identity." Ayon sa teoryang ito, mahalaga na maisasaalang-alang ang
kamalayan, kaisipan, diwa, ugali, kalooban, damdamin, at marami pang iba na
nakatuon sa Pagka-Pilipino at mga katutubong pananaw na nauukol sa mga
pagpapahalaga. Ginagamit din ang mga evidence-based na teoryang sikolohikal
upang magkaroon ng siyentipikong pamamaraan ng pagtugon sa mga suliraning
hinaharap. Dahil sa walang iisang pamamaraan ang makakatugon sa lahat ng
kinakaharap na balakid, nararapat tingnan ang mga pamamaraang maaaring ilapat.
Napapabilang dito ang mga pamamaraang halaw sa pagtingin sa kalakasan ng tao
tulad ng Person Centered Therapy ni Carl Rogers, Positive Psychology ni Martin Seligman, at Solution Focused
Brief Therapy nina Steve de Shazer at Insoo Kim Berg. Tinitingnan din ang
paglapat ng ilang mga praktikal na kakayahan ng Cognitive Behavior Therapy ni Aaron Beck, Dialectic
Behavior Therapy ni Marsha Linehan, at Acceptance and Commitment Therapy ni Steven Hayes.
Sosyolohikal
Ito ay agham
panlipunan na naglalayong pag-aralan ang lipunan at mga ugnayang nakapaloob
dito. Ang Ecological Systems Theory ni Brofenbrenner ay ginamit na gabay ng asignatura. Ayon dito,
nakaaapekto sa paghubog ng isang bata ang kaniyang pakikisalamuha sa tahanan,
paaralan, at pamayanan. Kaya mahalagang panatilihin ng mga magulang at guro ang
mabuting ugnayan sa isa’t isa at magtulungan tungo sa positibong pag-unlad ng
bata. Binibigyang-halaga rin ng teorya
ang kalagayan o karanasan ng bawat pamilya dahil may tuwirang epekto ito sa
kalagayan ng isang bata.
Dapat ding maging
aktibo sa kaniyang pag-aaral ang isang bata sa pamamagitan ng pakikibahagi sa
mga gawaing pang-akademiko at panlipunan. Makatutulong ang mga gawaing ito
upang magkaroon siya ng makabuluhang karanasan sa pag-aaral tungo sa kaniyang
positibong pag-unlad.
Ang Social Learning
Theory ni
Albert Bandura ay nagsasabi na ang pagkatuto ng mag-aaral ay nabibigyangdiin sa
kahalagahan ng pagmamasid at pagmomodelo ng mga pag-uugali, at emosyonal na
reaksyon ng iba kaalinsabay
din ang konsepto ng pagiging epektibo sa sarili sa iba't ibang mga
konteksto.
Pilosopikal
Ang pananaw ni
Matthew Lipman na ang mga bata ay may kakayanang matuto mula sa isa’t isa ay
siyang batayan ng Community of Inquiry kung saan ang multidimensional thinking (critical, creative,
collaborative, at caring thinking) ng mga mag-aaral ay nalilinang sa
pamamagitan ng kanilang pagninilay at pagsusuri, at pakikipag-usap at
pakikipagtalastasan sa isa’t isa. Naging basehan din nito ang teorya ni John
Dewey kung saan tinitingnan ang mag aaral na may kakayanang matuto sa
pamamagitan ng pag-uugat ng ideya sa kaniyang mga karanasan o experience, na
nalilinang sa pakikipag-usap at pakikipagtulungan sa kapwa, sa loob ng paaralan
at sa komunidad.
Teknolohikal
Kinikilala rin ang
malaking bahagi ng teknolohiya sa buhay ng bawat mag-aaral. Ang teorya ng
Digtal Citizenship ni Karen Mossberger, Caroline Tolbert at Ramona Mc Neal ay
naglalayon na magkaroon ng pantay pantay na pagkakataon ang lahat sa mga
oportunidad na dulot ng internet at communication technology, mapaunlad ang
kakayahang teknolohikal at mailapat ang karapatang pantao at respeto sa
paggamit ng email, social media at iba pang
websites.
Ang Cyber Wisdom
Education ni Polizzi at Harrison na tumutukoy sa paglalapat ng etika sa
pakikisalamuha sa kapuwa gamit ang teknolohiyang hatid ng internet. Ito ay
hinahalintulad sa konsepto ni Aristotle hinggil sa pratikal na virtue
(phronesis) na kumikilala sa apat na salik; una, ang pagkilala sa pagkilos
batay sa etika o moralidad sa anumang situwasiyon; pangalawa, kakayahan na
sumuri sa etikal na situwasyon sa pakikisalamuha sa kapuwa; pangatlo, gabay ito
sa pakikisalamuha sa kapuwa gamit ang internet; at pamamahala sa emosyon na
sangkot sa pakikisalamuha sa kapuwa,
Ang teorya ng Technological
Determinism ni Thorstein Veblen ay naniniwala na ang teknolohiya ay isa sa mga
nangunguna sa mga pagbabago ng lipunan. Ang anumang pagbabago sa ugnayan sa
lipunan ay kontrolado ng teknolohiya, kaunlaran (development) nito,
komunikasyon at midya. Ang makabagong panahon na nagpapahalaga sa impormasyon
ay dulot ng mga makabagong imbensyon, teknolohiya at epekto nito sa panlipunan
at politikal. Malaki ang magiging impluwensya ng teoryang ito sa pagtuturo ng
GMRC at VE sa mga paaraalan sa tatlong kadahilanan-una, magiging patunay ito sa
mga mag-aaral na ang pilosopiya sa likod ng pagtuturo ng asignatura ay maaaring
madama sa lahat ng aspeto ng buhay kasama na rito ang pagbabagong dala ng
teknolohiya; pangalawa, magiging gabay ang prinsipyo ng etika, moralidad, at
personalismo sa pakikisalamuha sa online, at magiging tuntungan ito ng mga
gawain sa paglilinang ng pagpapahalaga at virtue.
Subscribe to this channel first: ebxeducation and put thumbs up to any video.
You are task to apply the theories of GMRC and Values Education by
giving some example of your own experiences. Write it in the comment section.
Guide question:
What is your experience with social learning, experiential learning and the theory of technological determinism? Explain.
Do not put your full name. Write only your initials. Example: (Juan X. Dela Cruz) write J.X. Cruz.